ثقافة في 3 سهرات بقرطاج وسوسة والجم: منير الطرودي وسندة العتري يضربان موعدا مع جوهان سيباستيان باخ
يقدم منير الطرودي وسندة العتري 3 عروض فنية سيحتفيان خلالها بالموسيقي الألماني جوهان سيباستيان باخ وذلك ايام 3 و7 و8 أوت.
وفي تقديمهما للحفل، ذكر منير الطرودي وسندة العتري ما يلي: "جوهان سيباستيان باخ، موسيقي صوفي ألماني عاش بين القرن سبعطاش و القرن ثمنطاش. صوفي، ابتدع من تفاسيرو للتجلي وحلقات التجلي، منهاج كامل في التلحين، وعدى حياتو ينتج ما يحبسش، بين كمنجة وكلاڢسين و آلتو و أورغ، وفما شكون يحبو بالپيانو أكثر.
على ما يحكو، باخ عمرو ما خرج من ألمانيا. سندة العتري و منير طرودي ما عجبتهمش الفازة، كيفاه الروح متجلية و الموزيكة ما تحوسش. تقابلو، وفي الثنية تولدت تشكيلة أوركستر متوسطي في تونس، وقرروا أنهم يكرو على باخ، يركبوه ع البطاح، و يبداو معاه دورة في تونس، بين صوفية الباروك، وصوفية الجاز والمتصوفين المسلمين و الراستا.
نفس الهبلة، نفس الشيخة، نفس التخميرة، نفس التكنتيرة لبطش الوقت، كان لازمها بطاح. و هانا دبرناه. صيف السنة، تنجمو تحضرو ع السرحة هاذي، نهار 3 أوت في متحف قرطاج، ونهار 7 أوت في مسرح سيدي الظاهر في سوسة، و نهار 8 أوت في المسرح الأثري بالجم".
